訂造傢俬攻略 必看流程+用料特點

訂造傢俬攻略

當成功上車做業主後,下一步就係諗下點樣善用各空間,慳位之餘又要保留空間感,如果識得按實際需要訂造傢俬,即使係300尺的細單位都一樣住得舒適,究竟訂造傢俬有咩步驟? 價錢、工序要留意咩事項?

訂造傢俬4步曲

1. 初步報價

唔少容易被忽略的細節,分分鐘加埋令價錢多左。好多內地傢俬廠都負責製造香港客戶的傢俬,常見如港人喜歡的地台、C字櫃、衣櫃、床架等,不過櫃門的內外款式都要留意,例如開門後,有些人會指定要木質層板,有些會要求淨色,但又唔想有黑邊,為免出錯,最好提前講好,否則望落唔多順眼又要執修。

一些門鉸、路軌等五金物料也是值得留意,例如家中有小朋友,就可能適合訂造有緩衝功能的櫃門、大門,以免夾傷手指,顏色亦會影響外觀。

新製傢俬或者用蔗渣夾層板的傢俬都惹來甲醛風險,用料就是其中導致甲醛的原因,想減低風險,可以加錢轉用E0夾板,減低甲醛風險。

如果想屋企明亮一些,特別是睡床下方、廳的天花板附近,或者玄關位,都可以加錢要燈槽,如果想要增加空間感,例如將開放式廚房加門間隔,都可以考慮用玻璃門。



2.收生產圖

師父會向客戶確認細節、價錢,覆尺後就會將資料交俾內地的傢俬廠,當客人收到傢俬廠的生產圖後,就再檢視有沒有地方要修改。

3. 生產

理論上最長1個多月的時間就會完成,送貨到港,不過疫情下的管制或有影響。

4. 安裝和收口

裝修師傅會將傢俬組件安裝、收口,通常傢俬唔多的話,都係7日左右完成。

訂造傢俬費用

想住得舒服些,當然訂造的金額都唔慳得,通常傢俬唔會多過裝修費4成,價錢又會因應個別傢俬種類唔同而定,例如地櫃或吊櫃,一般歸類為半高櫃,即4尺以下,而4呎至8呎高的櫃,例如電視櫃、衣櫃等,只要合符呎數範圍內,就算你想鞋櫃造多一呎,都唔會影響每一直呎價錢(1000至1400元/直呎) ,不過造廚櫃就要另計工作桌面的用料了,例如人造枱面石都要每直呎700至1000元。

一些傢俬就反而係跟闊度計,例如床、地台,後者更是以平方呎為單位,例如闊3至5呎的床約6千至8千一張,地台就計每平方呎3至400元左右

坊間以上的傢俬飾面不外乎是膠板、焗漆或木皮,如果要額外的面料就要另外計算了。

咁究竟唔同單位面積,基建連訂造傢俬費用要幾多預算呢? 如果150至250平方呎,一廁單位,基建連訂造傢俬費用要22至29萬 ; 一般2人家庭的250至400平方呎一廁單位,基建連訂造傢俬費用要27至35萬 ; 400至550平方呎兩廁單位,基建連訂造傢俬費用要36至44萬; 550至700平方呎兩廁單位,基建連訂造傢俬費用要44至50萬。

必學訂造傢俬板材重點

常見的內部板材有4種:

夾板

雖然承重力強,又唔易變形,加上防潮功能好,適合做書櫃、廚櫃等,不過由於質地粗糙,要再加工序做飾面,當中又再分硬度皆不錯的大細芯板,後者承重力比較好,而價錢稍高。

中密度纖維板

想價格唔好咁貴既朋友,可以考慮用中密度纖維板,承重力都會打個折,如遇潮濕會谷脹變形。

蔗渣板

唔少傢俬店為慳成本都係用蔗渣板,另有稱為塑合板、低密度纖維板,雖質地平滑,容易加飾面,但係用來放重物就不好了,防潮能力亦較差。

實木

由於耐用又實淨,價錢都會較貴,而且會有獨特紋理,但易受潮濕環境影響,但市面上多數的是現成實木傢俬,卻較少會訂造的。

常見的外部飾面有4種:

木皮

價錢較高,不過如果想屋企行日式、柔和風格就幾適合啦,予人溫暖感覺,外觀帶有人工或天然紋理,不過易刮花,所以耐磨度一般。

焗漆

價錢中等,有多種唔同顏色可供選擇,不論係啞光、亮光等都有唔同效果,想要紋理都可以訂造到,又易清潔,不過同木皮一樣耐磨度一般。

防火膠板

價格有低有高,仲平過木板同焗漆,任君選擇,優點較多,不但耐磨易打理,而且紋理選擇多,淨色、立體木紋都有,比較大眾化,而且幾適合用來造廚櫃外部飾面,因為耐磨阻燃,還適合造衣櫃等等。

生態板

中等價位,也可叫做防花板,耐燃又防水,由於本身底面外觀一樣,如果想造一些不帶門的櫃,例如普通貯物層架等,都可以考慮的。

傢俬收口方法

有些手勢唔好的師父就會在收口程序上做得差,令清潔唔方便而且影響外觀,收口方法又會影響到價錢,最平也是最常見就係唧膠,主要用填縫膠或玻璃膠填補空隙,另一種就係用木板製成符合形狀大小的收口條,再補唧膠,或者用批灰、油漆收口。

常見問題

1. 基建連訂造傢俬費用要幾多預算呢

如果150至250平方呎,一廁單位,基建連訂造傢俬費用要22至29萬 ; 一般2人家庭的250至400平方呎一廁單位,基建連訂造傢俬費用要27至35萬 ; 400至550平方呎兩廁單位,基建連訂造傢俬費用要36至44萬; 550至700平方呎兩廁單位,基建連訂造傢俬費用要44至50萬。

2. 訂造傢俬有咩步驟?

首先可以做初步報價,用家應衡量好傢俬訂造的物料、五金用料等,之後收生產圖,確認價錢和細節,再視乎需要作修改,等約1個多月接收傢俬,再安排師傅組裝、進行收口工序。

3.選用夾板作為內部傢俬訂造材料,有咩優點缺點?

雖然承重力強,又唔易變形,加上防潮功能好,適合做書櫃、廚櫃等,不過由於質地粗糙,要再加工序做飾面,當中又再分硬度皆不錯的大細芯板,後者承重力比較好,而價錢稍高。

 

好師傅 CoDeco.hk︰一站式裝修服務平台

好師傅好唔好?至今已協助完成逾 3,300 宗工程,完成總工程額逾 7 億港元。旨在透過科技與專業團隊,為客戶準確配對合適的裝修團隊和設計師,讓工程變得更易掌握及管理。

想獲取即時估價裝修案例資訊,請留意CoDeco好師傅網站Facebook

作者簡介

Roy Lau

Roy Lau

Roy Lau, 28 Mortgage 按揭轉介公司 Co-Founder, 畢業於英國諾丁漢大學會計系,在按揭行業經驗5年, 協助超過1500位客戶解決按揭相關難題。Roy深深了解在申請樓按的過程客戶會遇到各種問題,因此28 Mortgage 的目標是可以為大衆提供免費的按揭諮詢服務同時也為客戶量身定制最優惠及最滿意的按揭計劃。作爲一個以目標爲本的公司領導,Roy為28 Mortgage定下的目標是將來大家需要按揭服務時會想起28 Mortgage,致力於把28 Mortgage打造成大衆最信賴的按揭轉介公司。

買賣按揭H+1.3%,高達2.40%回贈  |  轉按回贈高達2.35%